新加坡2015年2月－聖淘沙 Shangri la's Rasa Sentosa Resort and Spa

上文提及最後我地選擇左聖淘沙的 Shangri la Rasa Sentosa Resort and Spa，呢間真係好好的親子酒店。食早餐時會見到孔雀、蜥蝪，小朋友又可以到兒童房玩，ＢＢ泳池又大。自助早餐算多嘢食（印度嘢都有；但連續食幾日都咪話唔悶～～～），有一日響大堂仲有迷你甜筒派添！另外，每間房都有露台，非常適合我地要幫小朋友洗衫後晾衫的媽媽......

而我地的至愛，係佢的私人沙灘，真係水清沙幼，住客可以免費租水上單車半小時，好正。

缺點係房間設計較舊式，同埋出入比較唔方便，搭酒店shuttle出去無問題，但出到vivo city行去mrt唔算近，指示亦不太清晰。響city返去，我地通常都會搭的士。所以住得呢間，一定要起碼半日響酒店hea下先，咁至抵！

另外，入住時間係三點，我地三點幾去到，仲未有房。當時馬爸爸抱住瞓左覺得馬Ｂ，又熱又攰，問Ｄ職員幾點可以安排到房，竟然係答唔知。佢地帶我地去餐廳坐低飲杯嘢，最後等左成個鐘... 如果得大人去，係無問題，但咁啱小朋友又瞓左，真係成間酒店都安排唔到一間房俾我地？唔明。