新加坡2015年2月－Day 5

今日其實超無聊。有朋友話有間買蛋糕好好食，響Bugis 附近，咁我地朝早執好嘢，玩多次水就搭的士出去。去到Bugis落車，再行。行呀行呀，行到腳拐，終於見到，但無！開！門！

又熱又攰又餓，又已過午飯時間（好多舖頭已閂門），好彩搵到間食嘢。食完拿拿聲出去搵的士返酒店。天啊，等左好耐先截到架的士，飛返酒店，馬爸爸衝入酒店攞返行李，再上番的士飛去機場，好彩無遲到～～～

到機場馬Ｂ最開心見到乜嘢？當然係車，或車類物體，如機場拖行李車的車，佢開心到要同車合照～～睇下佢笑得幾sweet!

但最後一日，就白白過左去啦

返到屋企已夜晚１１點幾，放左熟睡的馬Ｂ上床，一同佢除片，佢就wee wee，又要換衫又換床單，你係唔係驚我太得閑太唔攰呢？？